நவராத்திரி விரதத்தின் ஒன்பதாம் நாள் இன்று

நவராத்திரி விரதம் மிக எளிமையான விரதம், அதேநேரம் இந்த விரதம் மிகுந்த பலன்களைத் தரக்கூடிய சிறந்த விரதம் என்று புராணங்கள் கூறுகின்றன. தனம், தானியம், இன்பம், ஆரோக்கியம், நீண்ட ஆயுள், சுவர்க்கம், மோட்சம் என்று வாழ்க்கைக்கு தேவையான அனைத்தையும் தரக்கூடிய விரதம், நவராத்திரி விரதம். 

 நவராத்திரியின் ஒவ்வொரு நாளும் ஒவ்வொரு விதமான விரதங்கங்கள், வழிபாட்டு முறைகள் கடைபிடிக்கப்படும். நைவேத்தியம், அம்பாளுக்கு சாற்ற ஒவ்வொரு விதமான மலர், ஒன்பது நாளும் வாசிப்பதற்கு ஒன்பது வகையான வாத்தியங்கள், அம்பாளைப் பூஜிக்க ஒன்பது வகையான மந்திரங்கள் என்று ஏராளமாக இருக்கிறது. அந்தவகையில், நவராத்திரியின் ஒன்பதாம் நாள் என்ன செய்ய வேண்டும் என்பதை இந்த தொகுப்பில் காண்போம். 

  ஒன்பதாம் நாள் வழிபாடு 

நவராத்திரியின் ஒன்பதாம் நாள் அம்பிகை ஸித்திதாத்ரி என்று அழைக்கப்படுகிறாள். நவராத்திரியின் ஒன்பதாம் நாளான இன்று வாசனை பொடிகளை கலந்து கோலமிட வேண்டும். ஒன்பதாம் நாள் தாமரை, மரிக்கொழுந்து போன்றவற்றால் அணிவித்து அம்பிகையை அலங்கரிக்க வேண்டும். மதியம் ஐந்து வகை சாதம் செய்யலாம். அக்கார அடிசல், வடை, பிரவுன் சுண்டல் அல்லது தால் சுண்டல், வெற்றிலை மற்றும் கொட்டை பாக்கு, பழங்கள், பாறை மிட்டாய் அல்லது உலர் திராட்சை ஆகியவற்றை செய்து அம்பாளுக்கு நைவேத்தியமாக படைத்து வீட்டிற்கு வரும் பெண்கள், மற்றும் குழந்தைகளுக்கு வழங்க வேண்டும். ஒன்பதாம் நாள் வஸந்தா ராகத்தில் பாடல் பாட வேண்டும். ஒன்பதாம் நாள் அம்பாளுக்கு நாவல் பழம் பழங்களை படைத்து, வீட்டிற்கு வரும் விருந்தினருக்கு அதை வழங்கலாம். 

  மந்திரம் 

ஓம் தேவி சித்திதத்ராய் நம 

சித்த காந்தர்வ யக்ஷத்யிரசுரீராமாரைரபி 

சேவ்யமன சதா பூயாத் சித்திதா சித்தாய்தினி 

யா தேவி சர்வபுதேஷு மா சித்திதத்ரி ரூபேனா சம்ஷ்டிதா 

நமஸ்தஸ்ஸாய் நமஸ்தாசாய் நமஸ்தாசாய் நமோ நம