அயர்லாந்தை 9 விக்கெட் வித்தியாசத்தில் வீழ்த்திய இலங்கை

ஐசிசி டி20 உலகக் கிண்ண சூப்பர் 12 சுற்றில் இலங்கை அணி இன்று அயர்லாந்தை 9 விக்கெட் வித்தியாசத்தில் வீழ்த்தி முதல் வெற்றியைப் பெற்றது. அயர்லாந்தின் 128/9 ரன்களை 15 ஓவர்களில் இலங்கை அணி கடந்தது. இது போட்டியின் பிற்பகுதியில் ஒரு நல்ல நிகர ஓட்ட விகிதத்தை உறுதி செய்தது. இலங்கை அணிக்காக குசல் மெண்டிஸ் மீண்டும் ஒருமுறை சிறந்த அரைச்சதம் அடித்தார். ஹோபார்ட்டில் உள்ள பெல்லரிவ் ஓவல் மைதானத்தில் நடைபெற்ற இப்போட்டியில் டொஸ் வென்ற அயர்லாந்து அணித்தலைவர் முதலில் துடுப்பாட்டத்தை தேர்வு செய்திருந்தார். இலங்கை அணி எதிர்வரும் செவ்வாய்க்கிழமை அவுஸ்திரேலியாவை எதிர்கொள்கிறது.