கஞ்சா வைத்திருந்த 6 பேர் கைது

கஞ்சா வைத்திருந்த 6 பேர் வவுனியாப் பொலிஸாரினால் கைது செய்யப்பட்டுள்ளனர். வவுனியாவில் விசேட அதிரடிப்படையினருக்குக் கடந்த வாரம் கிடைத்த தகவலின் அடிப்படையில் காட்டுப்பகுதி ஒன்றில் இருந்து 85 கிலோ 900 கிராம் கஞ்சா மீட்கப்பட்டுள்ளது என வவுனியா பொலிஸார் தெரிவித்துள்ளனர்.

அதனையடுத்து மேற்கொள்ளப்பட்ட விசாரணைகளின்படி கடந்த 26ஆம் திகதி 6 பேர் சந்தேகத்தின் பேரில் கைது செய்யப்பட்டுள்ளனர்.

அவர்கள் அனைவரும் மன்னாரைச் சேர்ந்தவர்கள் எனவும் தெரிவிக்கப்படுகின்றது. தொடர்ந்தும் மேலதிக விசாரணைகளை பொலிஸார் மேற்கொண்டு வருகின்றனர்.