தேசிய சிறை கைதிகள் தினம்; 2000ற்கு மேற்பட்டோர் விடுதலை

யாழ்ப்பாணம் சிறைச்சாலையில் இருந்து 9 கைதிகள் இன்று விடுதலை செய்யப்பட்டனர். தேசிய சிறை கைதிகள் தினம் இன்றாகும். கைதிகள் தினத்தை முன்னிட்டு ஜனாதிபதி மகிந்த ராஜபக்சவின் அறிவுறுத்தலுக்கு அமைய பொது மன்னிப்பின் கீழ் யாழ்ப்பாண சிறைச்சாலையில் தடுத்து வைக்கப்பட்டிருந்த கைதிகளுள் ஒன்பது சிறை கைதிகள் இன்று விடுதலை செய்யப்பட்டுள்ளனர்.

சிறுகுற்றம் புரிந்தவர்களும் மற்றும் தண்டப்பணம் செலுத்தத் தவறியவர்களுமே இவ்வாறு விடுதலை செய்யப்பட்டுள்ளனர் என யாழ்ப்பாண சிறைச்சாலையின் பிரதான ஜெயிலர் எஸ்.இந்திரகுமார் தெரிவித்தார்.

இதேவேளை, தேசிய சிறை கைதிகள் தினத்தை முன்னிட்டு ஜனாதிபதியின் அறிவுறுத்தலுக்கு அமைய நாடளாவிய ரீதியில் உள்ள சிறைச்சாலைகளில் இருந்து 2000ஆயிரத்திற்கு மேற்பட்ட கைதிகள் விடுதலை செய்யப்படவுள்ளமை குறிப்பிடத்தக்கது.