நிர்வாக சேவை பரீட்சைக்கு கட்டணம் செலுத்தும் காலம் நீடிப்பு

இலங்கை கல்வி நிர்வாக சேவையில் மூன்றாம் தரத்திற்கு இணைத்துக் கொள்வதற்கான பகிரங்க போட்டிப் பரீட்சைக்காக கட்டணம் செலுத்த வழங்கப்பட்ட காலம் எதிர்வரும் 30ம் திகதி வரை நீடிக்கப்பட்டுள்ளது. 

12ம் திகதிக்கு முன் பரீட்சை கட்டணம் செலுத்தப்பட வேண்டும் என இதற்கு முன்னர் பரீட்சைகள் திணைக்களம் அறிவித்திருந்தது. 

ஆனால் அனேகமானோருக்கு குறித்த காலத்தில் கட்டணம் செலுத்த முடியாது போனதால் காலம் நீடிக்கப்பட்டுள்ளதாக பரீட்சைகள் திணைக்களம் குறிப்பிட்டுள்ளது. 

பரீட்சைக்கு தோற்றவுள்ள நபர்களின் பெயர் விபரங்கள் www.doenets.lk என்ற இணையத்தில் பிரசுரிக்கப்பட்டுள்ளதுடன் எதிர்வரும் ஜனவரி 25ம் திகதி பரீட்சை இடம்பெறவுள்ளது.