கொழும்பு - கண்டி பிரதான வீதியில் இடம்பெற்ற வாகன விபத்தில் 15 பேர் காயம்

கொழும்பு - கண்டி பிரதான வீதியில் ஏற்பட்ட வாகன விபத்தில் 15 பேர் காயமடைந்துள்ளனர்.

அம்பேபுஸ்ஸ பகுதியில் இன்று (31) பிற்பகல் இவ்விபத்து இடம்பெற்றுள்ளது.

நீர்கொழும்பில் இருந்து கண்டி நோக்கி பயணித்த தனியார் பஸ்ஸும் கண்டியில் இருந்து கொழும்பு நோக்கிப் பயணித்த லொறியும் ஒன்றுடன் ஒன்று மோதியதில் இவ்விபத்து நேர்ந்துள்ளது.

விபத்தில் காயமடைந்தவர்கள் வரக்காபொல மற்றும் கேகாலை ஆகிய வைத்தியசாலைகளில் அனுமதிக்கப்பட்டுள்ளனர்.