பாசத்துக்காகப் போராடும் பேயின் கதை

கிரேட் பி புரொடக்ஷன் சார்பில் என்.பி.பூபாலன் தயாரிக்கும் படம் மூச். நித்தின், மிஷா கோஷல், பாரதிராஜா தம்பி ஜெயராஜ் நடிக்கிறார்கள். வெங்கடேஷ் ஒளிப்பதிவு செய்கிறார். நித்யன் கார்த்திக் இசை அமைக்கிறார். பாரதிராஜாவின் உதவியாளர் 

வினுபாரதி இயக்குகிறார். படம் பற்றி அவர் கூறியதாவது: இது திகில் படம்தான். ஆனால் பாசம் நிறைந்த பேயின் கதை. இரண்டு குழந்தைகளுக்காக ஒரு தாயும், ஒரு பேயும் நடத்தும் பாசப்போராட்டம்தான் திரைக்கதை. அந்த தாய்க்கும், பேய்க்கும் என்ன உறவு என்பது சஸ்பென்ஸ். பாரதிராஜாவின் தம்பி ஜெயராஜ் மனோதத்துவ நிபுணர் கேரக்டரில் நடித்துள்ளார். 

 சென்னை அருகே பேய் இருப்பதாக நினைத்து, பல ஆண்டுகள் கிடப்பில் போடப்பட்ட வீடு ஒன்றில் படத்தை எடுத்துள்ளோம். ஷூட்டிங்கின் போது யூனிட்டில் உள்ள பலருக்கு பேய் அனுபவம் கிடைத்தது. 50 நாளில் படத்தை எடுத்து முடித்தோம். தற்போது கிராபிக்ஸ் பணி நடந்து வந்திருக்கிறது. செப்டம்பரில் ரிலீசாகிறது. வித்தியாசமான திகில் படமாக இது இருக்கும்.