வெண்நிலா வீடு படத்தில் நடுத்தரக் குடும்ப வாழ்க்கை

செந்தில், விஜயலட்சுமி, சிருந்தா ஆசாப், முத்துராமன் உட்பட பலர் நடிக்கும் படம், வெண்நிலா வீடு. ஆதர்ஷ் ஸ்டுடியோ பி.வி.அருண் தயாரித்துள்ளார். தி வைப்ரன்ட் மூவிஸ் வெளியிடுகிறது. 

படத்தை இயக்கியுள்ள வெற்றி மகாலிங்கம் கூறியதாவது,,,

விவசாயமே இந்தியாவின் முதுகெலும்பு என்று சொன்ன காலம் மாறி, நடுத்தர வர்க்கம்தான் முதுகெலும்பு என்று அறிவிக்கும் நிலை ஏற்பட்டுள்ளது. உழைப்பில் தன்னை கரைத்துக்கொண்டு, குடும்ப பொருளாதாரத்தை உயர்த்தும் இன்றைய நடுத்தரக் குடும்பங்களின் வாழ்க்கையை யதார்த்தமாகவும், உணர்வுப்பூர்வமாகவும் சொல்லும் படம் இது. 

 தங்கத்தின் மீது மக்களுக்கு ஏற்பட்டுள்ள மோகத்தையும் அதனால் ஏற்படும் பிரச்னையையும் சொல்லியிருக்கிறோம். சென்சார் யு சான்றிதழ் அளித்துள்ளது. செந்திலும், விஜயலட்சுமியும் சிறப்பாக நடித்துள்ளார்கள். 

அடுத்த மாதம் படம் வெளியாகிறது. இவ்வாறு அவர் கூறினார். பி.வி.அருண், தி வைப்ரன்ட் மூவிஸ் வெங்கடேஷ் உடனிருந்தனர்.