தேவன்பிட்டி வெதுப்பக கட்டிட நிர்மாணப் பணிகளை பார்வையிட்டார் - அமைச்சர் டெனிஸ்வரன்...

இந்த ஆண்டுக்கான வடக்கு மாகாண வருடாந்த குறித்தொதுக்கப்பட்ட நிதியில், கிராம அபிவிருத்தி திணைக்களத்தின் ஊடாக மன்னார் மாவட்ட மாந்தை மேற்கு பிரதேச செயலகத்துக்கு உட்பட்ட தேவன்பிட்டி கிராமத்துக்கு, வடக்கு கிராம அபிவிருத்தி அமைச்சர் பா.டெனிஸ்வரன் அவர்களால் வழங்கப்பட்ட உதவித்திட்டத்தின் கீழ் அமைக்கப்பட்ட வெதுப்பகத்தின் கட்டுமானப் பணிகள் நிறைவுற்ற வேளையில் அதனை 12-12-2015 சனி மாலை நேரில் சென்று பார்வையிட்டார். அமைச்சர் டெனிஸ்வரன்.

அந்த வெதுப்பகம் விரைவில் அங்குள்ள இரண்டு கிராமங்களுக்கு பயன்படும் வகையில், மக்கள் பாவனைக்கு திறந்துவைக்கப்படும் எனவும் எதிர்வரும் காலத்தில் அங்குள்ள கிராம அபிவிருத்தி சங்கங்கள் இதன் மூலம் தமது வருமானத்தை பெருக்கிக்கொண்டு தமது சங்கத்தில் உள்ள அங்கத்தவர்களையும் அவர்களது வாழ்வாதாரத்தில் பெருகவைக்கவேண்டும் என்றும் அவர் தெரிவித்தார்.