முல்லைத்தீவு வட்டுவாகல் பாலத்தில் இன்று ஏற்பட்ட விபத்தில் ஒருவர் பலி(Photos)

முல்லைத்தீவு நந்திக்கடலில் அமைந்துள்ள வட்டுவாகல் பாலத்தில் இன்று அதிகாலை ஏற்பட்ட விபத்தில் ஒருவர் சம்பவ இடத்திலே உயிரிழந்துள்ளார். மோட்டார் சைக்கிளும் உழவு இயந்திரமும் ஒன்றையொன்று மோதியதால் மோட்டார் சைக்கிளில் வந்தவர் சம்பவ இடத்திலே உயிரிழந்துள்ளார்.

இப்பாலமானது மிக ஒடுக்கமான ஒரு வாகனம் மட்டுமே செல்லக்கூடிய அளவில் உள்ளதென்பது குறிப்பிடத்தக்கது. A35 பிரதான வீதியில் அமைந்துள்ள முக்கிய பாலமாக காணப்பட்டபோதிலும் இதன் விரிவாக்கம் இன்னும் செய்யப்படாத நிலையில் உள்ளது.

இறந்தவரின் சடலம் மருத்துவ பரிசோதனைக்காக முல்லைத்தீவு மாவட்ட பொது வைத்தியசாலையில் ஒப்படைக்கப்பட்டுள்ளது. மேலதிக விசாரணைகளை முல்லைத்தீவு பொலிசார் மேற்கொண்டு வருகின்றனர்.