உலகிலேயே அதிக உடல் எடை கொண்ட பெண்மணி இவர்தான்! கேட்டா ஷாக் ஆகியிடுவிங்க

எகிப்து நாட்டை சேர்ந்த பெண் ஒருவர் 500 கிலோ எடையுடன் உலகின் அதிக எடை கொண்ட பெண்மணி என்ற பெயரை பெற்று அனைவரையும் வியக்க வைத்துள்ளார்.

அலெக்சாண்ட்ரியாவைச் சேர்ந்தவர் இமான் அஹமது அப்துலாடி என்ற பெண்மணி. இவர் பிறக்கும் போது 5 கிலோ எடையுடன் இருந்தார். பின்னர் இவருக்கு உடல் எடையை அதிகரிக்கும் எலிபான்டியாசிஸ் என்ற நோய் தாக்கியிருந்தது கண்டுபிடிக்கப்பட்டது.

இந்த நோய் தாக்குதல் காரணமாக அவரது உடல் தேவையான தண்ணீரை விட அதிக அளவிலான தண்ணீரை சேமித்துக் வைக்கும் என்று மருத்துவர்கள் தெரிவித்துள்ளனர்.

தற்போது 36 வயதாகும் இமான் அஹமது அப்துலாடி 500 கிலோ எடையுடன் இருக்கிறார். இதனால் உலகிலேயே அதிக உடல் எடை கொண்ட பெண்மணி என்ற இடத்தைப் பிடித்துள்ளார்.

இவர் கடந்த 25 ஆண்டுகளாக வீட்டை விட்டு வெளியேறவே இல்லை. அதிக உடல் எடை காரணமாக அவர் தனது வாழ்நாளை படுக்கையிலேயே கழித்து வருகிறார்.

இவரது அன்றாடத் தேவைகளை கூட இவரது தாயும், சகோதரியும் தான் கவனித்து வருகின்றனர். அவர்கள் மருத்துவ உதவிக்காக எகிப்திய அரசாங்கத்தையும் நாடியுள்ளனர்.