100 படங்களில் இத்தனை பாடகர்களை அறிமுகப்படுத்தியது தான் பெருமை: இமான்

இசையமைப்பாளர் இமான் தற்போது 100 படங்கள் என்ற மைல்கல்லை கடந்துள்ளார். ஜெயம் ரவியின் டிக் டிக் டிக் தான் அவருக்கு நூறாவது படம்.

மியூசிக் கற்ற பிறகு கிபோர்டு பிளேயராக பணியாற்ற துவங்கிய அவர், பின்னர் பல விளம்பர படங்கள் மற்றும் அதை தொடர்ந்து சின்னத்திரை சீரியலில் இசையமைப்பாளராக அறிமுகமாகினர். பின் காதலே சுவாசம் படம் மூலம் சினிமாவில் அறிமுகமாகி தற்போது 100வது படத்தை தொட்டுள்ளார்.

இந்த பயணத்தில் தான் 125 புதிய பாடகர்களை அறிமுகப்படுத்தியுள்ளதாக இமான் பெருமையாக கூறியுள்ளார்.

இன்று 100 படங்கள், நாளை ஆயிரம் படங்கள் என்ற பேராசை கிடையாது. ஒவ்வொருவரும் தங்கள் கம்ப்யூட்டரில், போனில் இமானுக்கென்று தனி போல்டர் உருவாக்கி, அதில் காலத்தை வென்ற 100 பாடல்கள் இருக்க வேண்டும் என்பதே என் ஆசை என்று இமான் மேலும் கூறியுள்ளார்.