சிறு கட்சிகள் அரசாங்கத்திடம் விடுத்துள்ள முக்கிய கோரிக்கை -

எதிர்வரும் 18 மாதங்களுக்கு ஆட்சி நடாத்துவது குறித்த உடன்படிக்கையில் தமது கட்சிகளையும் உள்ளடக்குமாறு சிறு கட்சிகள் கோரிக்கை விடுத்துள்ளன.

ஐக்கிய தேசியக் கட்சிக்கும் ஸ்ரீலங்கா சுதந்திரக் கட்சிக்கும் இடையில் இந்த உடன்படிக்கை கைச்சாத்திடப்படவிருந்தமை குறிப்பிடத்தக்கது.
எனினும் இந்த உடன்படிக்கையில் தமது கட்சிகளையும் உள்ளடக்கிக்கொள்ளுமாறு கோரிக்கை விடுக்கப்பட்டுள்ளது. ஐக்கிய தேசிய முன்னணியின் சார்பில் போட்டியிட்ட சிறு கட்சிகள் இந்தக் கோரிக்கையை முன்வைத்துள்ளன.

தமிழ் முற்போக்குக் கூட்டணி, ஸ்ரீலங்கா முஸ்லிம் காங்கிரஸ், அகில இலங்கை மக்கள் காங்கிரஸ் போன்ற கட்சிகளே இவ்வாறு கோரிக்கை முன்வைத்துள்ளன என்பது குறிப்பிடத்தக்கது.