இந்தியாவின் மிக மூத்த அரசியல் தலைவர் கருணாநிதி: பிறந்தநாள் வாழ்த்தாக புகழ்ந்த மோடி -

தமிழகத்தில் தி.மு.க கட்சித்தலைவர் கருணாநிதி தனது 95வது பிறந்தநாளை இன்று கொண்டாடும் நிலையில், பிரதமர் நரேந்திர மோடி தனது ட்விட்டர் பக்கத்தில் அவருக்கு வாழ்த்து தெரிவித்துள்ளார்.

தி.மு.க கட்சியின் தலைவர் கருணாநிதி இன்று தனது 95வது பிறந்தநாளை கொண்டாடுகிறார். உடல்நலக்குறைவு காரணமாக அரசியலில் இருந்து ஓய்வு பெற்றுள்ள அவர், கோபாலபுரத்தில் உள்ள இல்லத்தில் வசித்து வருகிறார்.
கருணாநிதியின் பிறந்தநாளை முன்னிட்டு, தமிழகம் முழுவதும் உள்ள தி.மு.க தொண்டர்கள் பல்வேறு நலத்திட்டங்களை செய்து வருகின்றனர். முக்கிய பிரமுகர்கள் மட்டும் கருணாநிதியை நேரில் சந்திக்க உள்ளதாக கூறப்பட்டுள்ளது.

மாநில மற்றும் தேசிய கட்சிகள் என பல்வேறு அரசியல் தலைவர்களும் கருணாநிதிக்கு வாழ்த்துக்களை தெரிவித்து வருகின்றனர். இந்நிலையில், இந்திய பிரதமர் நரேந்திர மோடியும் தனது ட்விட்டர் பக்கத்தில் கருணாநிதிக்கு வாழ்த்தினை தெரிவித்துள்ளார்.
ட்விட்டரில் அவர் கூறுகையில், ‘இந்தியாவின் மிக மூத்த அரசியல் தலைவர் கருணாநிதி. கருணாநிதி ஓர் சிறந்த எழுத்தாளர், பேச்சாளர், சிந்தனையாளர், கவிஞர். அவரது நீண்ட மற்றும் ஆரோக்கியமான வாழ்வுக்கு இறைவன் அருள் புரியட்டும்’ என தெரிவித்துள்ளார்.
அத்துடன், சமீபத்தில் கருணாநிதியை சந்தித்த புகைப்படம் ஒன்றையும் மோடி பதிவிட்டுள்ளார்.

Best wishes to Kalaignar M.Karunanidhi Ji on his birthday. A prolific writer, poet, thinker and orator, Karunanidhi Ji is one of India’s senior most political leaders. May he be blessed with a long and healthy life. @kalaignar89 pic.twitter.com/BnZJUA4kjJ

— Narendra Modi (@narendramodi) June 3, 2018