நாட்டின் ஜனாதிபதியாக கோட்டாபய ராஜபக்ஸ பதவி ஏற்று ஒரு வருட பூர்த்தியை முன்னிட்டு மன்னாரில் மர நடுகை நிகழ்வு.

நாட்டின் ஜனாதிபதியாக கோட்டாபய ராஜபக்ஸ பதவி ஏற்று ஒரு வருட பூர்த்தியை முன்னிட்டு இன்றைய தினம் புதன் கிழமை காலை 9.30 மணியளவில் மன்னார் மாவட்டச் செயலகத்தில் மர நடுகை நிகழ்வு இடம் பெற்றது. கரையோரம் பேணல் மற்றும் கரையோர மூல வள முகாமைத்துவ திணைக்களத்தின் ஏற்பாட்டில் மன்னார் மாவட்ட பதில் அரசாங்க அதிபர் எஸ்.குணபாலன் தலைமையில் குறித்த நிகழ்வு இடம் பெற்றது.

 இதன் போது சுமார் நூறு மரக்கன்றுகள் நடும் நிகழ்ச்சித்திட்டம் இடம் பெற்றது. இதன் போது அரச திணைக்களங்களில் நடுவதற்கான மரக்கன்றுகள் மன்னார் மாவட்ட பதில் அரசாங்க அதிபர் எஸ்.குணபாலன் அவர்களினால் திணைக்கள அதிகாரிகளிடம் கையளிக்கப்பட்டது. மேலும் ஒரு தொகுதி மரக்கன்றுகள் மன்னார் மாவட்டச் செயலக வளாகத்தில் நடுகை செய்யப்பட்டது.