கொவிட் தொற்றால் யாழில் மேலும் ஐவர் பலி

யாழ்ப்பாணத்தில் நேற்று வெள்ளிக்கிழமை மேலும் 5 பேர் கொவிட்-19 தொற்றால் ஏற்பட்ட உடல்நலப் பாதிப்பால் உயிரிழந்தனர். யாழ்ப்பாணம் போதனா வைத்தியசாலையில் சிகிச்சை பெற்று வந்த கைதடியைச் சேர்ந்த 78 வயது பெண் ஒருவரும் கொழும்புத்துறையைச் சேர்ந்த 79 வயது நபர் ஒருவரும், புத்தூரைச் சேர்ந்த 75 வயது ஆண், ஏழாலை - மயிலங்காடு பகுதியைச் சேர்ந்த 69 வயது ஆண், கோண்டாவிலைச் சேர்ந்த 48 வயது நபர் ஒருவருமாக ஐவர் உயிரிழந்தனர். இதன்மூலம் யாழ்ப்பாணம் மாவட்டத்தில் கொவிட்-19 தொற்றால் உயிரிழந்தவர்களின் எண்ணிக்கை 176ஆக உயர்வடைந்துள்ளது.