கொவிட் தடுப்பூசியைப் பெற்றுக் கொண்ட சிறுவர்கள் எவருக்கும் கடுமையான சிக்கல்கள் இல்லை!

நாட்டில் கொவிட் தடுப்பூசியை பெற்றுக்கொண்ட சிறுவர்கள் எவருக்கும் இதுவரை எந்தவிதமான கடுமையான சிக்கல்களும் இல்லை என சுகாதார அமைச்சு தெரிவித்துள்ளது. 15 முதல் 18 வயதுக்குட்பட்ட 340,000 இற்கும் அதிகமான சிறுவர்களுக்கு கொவிட் தடுப்பூசி வழங்கப்பட்டுள்ளதாக சுகாதார மேம்பாட்டு பணியகத்தின் பணிப்பாளரான வைத்தியர்.

 ரஞ்சித் படுவன்துடாவ தெரிவித்தார். இன்று சுகாதார மேம்பாட்டு பணியகத்தில் இடம்பெற்ற ஊடக சந்திப்பின் போதே அவர் இதனை தெரிவித்தார். 12 வயதுக்கும் 15 வயதுக்கும் இடைப்பட்ட நாட்பட்ட நோயையுடைய 20,000 இற்கும் அதிகமான சிறுவர்களுக்கு தடுப்பூசி வழங்கப்பட்டதாகவும் அவர் மேலும் தெரிவித்தார்.