இவ்வாண்டு இலங்கைக்கு 10 பில்லியன் அமெரிக்க டொலர்களுக்கு அதிகமான ஏற்றுமதி வருவாய்

இலங்கையின் ஏற்றுமதி 2022 இல் 10 பில்லியன் அமெரிக்க டொலர்களை தாண்டியுள்ளது. இலங்கை ஏற்றுமதி அபிவிருத்திச் சபை மற்றும் இலங்கை மத்திய வங்கியின் தரவுகளின்படி, கடந்த வருடத்தின் இதே காலப்பகுதியுடன் ஒப்பிடுகையில் 2022 ஆம் ஆண்டின் முதல் ஒன்பது மாதங்களில் ஏற்றுமதி 11.83 வீதம் அதிகரித்துள்ளது. செப்டெம்பரில் சரக்கு ஏற்றுமதிகள் முந்தைய ஆண்டை விட 5.75 சதவீதம் அதிகரித்து 1,093 மில்லியன் அமெரிக்க டொலராக இருந்ததாக ஏற்றுமதி அபிவிருத்திச் சபை தெரிவித்துள்ளது. ஏற்றுமதியில் ஆடை, புடவை மற்றும் தேயிலை என்பன பிரதானம் பெருகின்றன. செப்டெம்பரில் ஆடை மற்றும் புடவை ஏற்றுமதி 5 சதவீதம் அதிகரித்து 479.88 மில்லியன் அமெரிக்க டொலர்களை வருமானமாக பெற்றுள்ளது.