புத்தாண்டு காலத்தில் குழந்தைகளை பாதுகாக்க வேண்டும்

 புத்தாண்டு காலத்தில் குழந்தைகளை விபத்துகளிலிருந்து பாதுகாக்க பெரியவர்கள் எச்சரிக்கையாக இருக்க வேண்டும் என சுகாதாரப் பிரிவு தெரிவித்துள்ளது.

புத்தாண்டு காலத்தில் நாடு முழுவதும் விபத்துகள் அதிகரிப்பது ஒவ்வொரு ஆண்டும் பதிவாகும் ஒரு பொதுவான நிகழ்வாகும்.

இத்தகைய விபத்துகளைத் தவிர்க்க, பொதுமக்கள் எச்சரிக்கையுடன் இருக்குமாறு சுகாதார பிரிவு கோரிக்கை விடுத்துள்ளது.

 

விபத்துகளைத் தடுப்பது தொடர்பாக கருத்து தெரிவித்த விசேட வைத்திய நிபுணர் தீபால் பெரேரா கூறுகையில்,

 

“குறிப்பாக குழந்தைகளுக்கு அதிக கவனம் செலுத்த வேண்டும். ஒவ்வொரு ஆண்டும் நாம் காணும் திடீர் விபத்துகள் புத்தாண்டு காலத்தில் மேலும் அதிகரிக்கின்றன. புத்தாண்டு முடிந்த பின்னர், வாகன விபத்துகளால் வைத்தியசாலையில் அனுமதிக்கப்படும் குழந்தைகளின் எண்ணிக்கை அதிகமாக உள்ளது. இதற்கு மேலதிகமாக, வாணவேடிக்கைகள் காரணமாக குழந்தைகளுக்கு விபத்துகள் ஏற்படுவது அதிகரிக்கிறது. இதைப் பற்றி நாம் விழிப்புணர்வுடன் இருக்க வேண்டும்.
குறிப்பாக இந்த நாட்களில் வீதிகளில் ஏற்படும் திடீர் விபத்துகளும் அதிகமாக உள்ளன. மதுபோதையில் வாகனம் ஓட்டுவோர் காரணமாக இத்தகைய விபத்துகள் அதிகரிக்கின்றன. டெங்கு காய்ச்சலை விட திடீர் விபத்துகளால் ஏற்படும் மரணங்கள் அதிகமாக உள்ளன. எனவே, இவற்றை குறைக்க வேண்டும்.

மேலும், ஒவ்வொரு ஆண்டும் புத்தாண்டு முடிந்த பின்னர் நாம் காண்பது, குழந்தைகளுக்கு வயிற்றுப்போக்கு நோய்கள் அதிகரிப்பதாகும். குழந்தைகளுக்கு சுத்தமான உணவு மற்றும் சுத்தமான குடிநீர் வழங்கப்படாவிட்டால், அவர்கள் வயிற்றுப்போக்கு காரணமாக வைத்தியசாலையில் அனுமதிக்கப்படுகின்றனர். இந்த காலம் இன்னும் வெப்பமாக உள்ளது. நம் நாட்டில் சூரியன் உச்சத்தில் இருக்கும் காலம் இதுவாகும். இதனால், நம் உடலில் இருந்து அதிக அளவு வியர்வை மற்றும் உப்பு வெளியேறுகிறது, இது நீரிழப்புக்கு வழிவகுக்கும். 
புத்தாண்டு காலத்தில் விளையாட்டுகளில் பங்கேற்க வேண்டும், ஆனால் அதிக அளவு நீர் பருகி, போட்டிகளில் கலந்து கொள்ள வேண்டும். குழந்தைகளை நீரில் விளையாட அனுமதிக்க வேண்டும்,” என்றார்.