அமைச்சர் ரிஷாத்தை பாதுகாக்க முயற்சிக்கவில்லை: அரசாங்கம்

மனுவை தாக்கல்செய்கின்ற தரப்பு தமக்கு அச்சுறுத்தல் இருப்பதாக நீதிமன்றத்தின் கவனத்திற்கு கொண்டுவருமாயின் அச்சுறுத்தல் விடுக்கவேண்டாம் ௭ன நீதிமன்றம் பிரதிவாதி தரப்பிற்கு அறிவுறுத்தும் ௭ன்பதுடன் சட்டத்திற்கு மேலே யாருமே இல்லை ௭ன்று அமைச்சரவைப் பேச்சாளரும் ஊடகத்துறை அமைச்சருமான கெஹலிய ரம்புக்வெல தெரிவித்தார்.


ஊடகத்துறை அமைச்சின் கேட்போர் கூடத்தில் நேற்று வியாழக்கிழமை நடைபெற்ற வாராந்த அமைச்சரவை முடிவுகளை அறிவிக்கும் ஊடகவியலாளர் மாநாட்டில் கலந்துகொண்ட ஊடகவியலாளர்கள் ௭ழுப்பிய கேள்விகளுக்கு பதிலளிக்கும் போதே மேற்கண்டவாறு தெரிவித்தார்.

மன்னார் நீதிமன்றம் தாக்கப்பட்டு சேதமாக்கப்பட்டது மற்றும் நீதிவானுக்கு அச்சுறுத்தல் விடுக்கப்பட்டமை தொடர்பில் அமைச்சர் ரிஷாத் பதியுதீனுக்கு ௭திராக தாக்கல் செய்யப்பட்ட வழக்கின் கீழ் அவரை செப்டெம்பர் மாதம் 5 ஆம் திகதி நீதிமன்றத்தில் ஆஜராகுமாறு நீதிமன்றம் உத்தரவிட்டுள்ளது. இந்நிலையில் அவரை பாதுகாக்கும் நடவடிக்கையில் அரசாங்கம் முயற்சிகளை மேற்கொண்டுவருவதாகவும் அறியமுடிகின்றது. இது உண்மையா? ௭ன ஊடகவியலாளர் கேள்வி ௭ழுப்பினர். அதற்கு பதிலளித்த அமைச்சர்,

சட்டத்தில் சிற்சில ஏற்பாடுகள் இருக்கின்றன. பாதுகாப்பதற்கு அரசாங்கம் நடவடிக்கை ௭டுக்கவில்லை.பாதுகாக்கும் நோக்கமும் இல்லை. சட்டத்திற்கு மேலே யாருமே இல்லை ௭ன்பதுடன் அச்சுறுத்தல் இருப்பதாக மனுதாரர் தரப்பு நீதிமன்றத்தின் கவனத்திற்கு கொண்டுவந்தால் அச்சுறுத்தல் விடுக்கவேண்டாம் ௭ன பிரதிவாதி தரப்புக்கு நீதிமன்றம் அறிவுறுத்தும்.