பல்கலைக்கழக மாணவர்களுக்கு விடுமுறை

பொதுநலவாய அரச தலைவர்கள் மாநாட்டை முன்னிட்டு எதிர்வரும் 9 ஆம் திகதி வரை சகல பல்கலைக்கழகங் மாணவர்களுக்கும் விடுமுறை வழங்கப்படுவதாக பல்கலைக்கழக மானியங்கள் ஆணைக்குழு தெரிவிக்கின்றது. பல்கலைக்கழக மாணவர்கள் பொதுநலவாய மாநாட்டு நடவடிக்கைகளில் ஈடுபடுவதற்காக இந்த ஏற்பாடு மேற்கொள்ளப்பட்டுள்ளதாக ஆணைக்குழுவின் தலைவர் ஷனிகா ஹிரிம்புரேகம தெரிவித்தார்.

 எதிர்வரும் 9 ஆம் திகதி காலை மாணவர்கள் விடுதிகளில் இருந்து வெளியேற முடியும் எனவும் அவர் குறிப்பிட்டார். முன்கூட்டி வழங்கப்படும் இந்த விடுமுறைக்குப் பதிலாக டிசம்பர் மாத விடுமுறையில் இருந்து நாட்களை கழிப்பதற்கு எண்ணியுள்ளதாக பல்கலைக்கழக மானியங்கள் ஆணைக்குழு தலைவர் தெரிவித்தார். 

 ஆயினும், மருத்துவ பீட மாணவர்கள் வைத்தியசாலைகளில் தமது பயிற்சிகளை தொடர்ந்து முன்னெடுப்பதுடன், ஆய்வுகள் மற்றும் பட்டப்படிப்பு நடவடிக்கைகளும் அவ்வாறே இடம்பெறும் என சுட்டிக்காட்டினார்.