செட்டிக்குளம் ஆற்றில் இருந்து ஆணொருவரின் சடலம் மீட்பு

புத்தளம் - மன்னார் வீதி செட்டிக்குளம் ஆற்றில் இருந்து ஆணொருவரின் சடலம் மீட்கப்பட்டுள்ளது. 

கடந்த (08) கண்டெடுக்கப்பட்ட குறித்த சடலம் சில நாட்களாக நீரில் இருந்ததால் அடையாளம் காண முடியாதபடியுள்ளதாக பொலிஸார் தெரிவித்துள்ளனர். 

இவர் சுமார் 50 அல்லது 55 வயது மதிக்கத்தக்க 5 அடி 6 அங்குலம் உயரமுடைய ஒருவர் எனவும் பொலிஸார் கூறியுள்ளனர். 

சடலம் சிலாபம் வைத்தியசாலையில் வைக்கப்பட்டுள்ளதோடு, சம்பவம் குறித்த மேலதிக விசாரணைகளை புத்தளம் பொலிஸார் மேற்கொண்டு வருகின்றனர்.