பொலன்னறுவையில் இடம்பெற்ற விபத்தில் 25 பேர் காயம்

பொலன்னறுவை கல் விஹாரை நுழைவாயிலுக்கு எதிரில் 2 பஸ்கள் மோதிக்கொண்டதில் 25 பேர் காயடைந்துள்ளனர்.

இந்த விபத்து இன்று (06) அதிகாலை 6.15 அளவில் இடம்பெற்றுள்ளதாக பொலிஸார் குறிப்பிட்டுள்ளனர்.

பொலன்னறுவை நோக்கியும், பொலன்னறுவையில் இருந்து கொழும்பு நோக்கியும் பயணித்த இரண்டு தனியார் பஸ்கள் நேருக்குநேர் மோதியுள்ளதாக பொலிஸார் தெரிவித்தனர்.

விபத்தில் காயடைந்தவர்கள் பொலன்னறுவை வைத்தியசாலையில் அனுமதிக்கப்பட்டுள்ளனர்.