நானாட்டான் முருங்கன் வீதி 06 மில்லியன் செலவில் புனரமைப்பு பணிகள்...படங்கள் இணைப்பு

வடக்கு மாகாண வீதி அபிவிருத்தி அமைச்சின் 2016 ஆம் ஆண்டுக்கான மாகாண அபிவிருத்தி நன்கொடையின் (PSDG) கீழ் 06 மில்லியன் நிதி ஒதுக்கீட்டில் மன்னார் மாவட்ட, நானாட்டான் பிரதேச செயலக பிரிவிற்க்குட்பட்ட நானாட்டான் முருங்கன் வீதியின் வேலைத்திட்டத்தை 29-04-2016 வெள்ளி நண்பகல் 12.30 மணியளவில் வடக்கு மாகாண வீதி அபிவிருத்தி அமைச்சர் பா.டெனிஸ்வரன் மற்றும் மாகாணசபை உறுப்பினர் ரிப்கான் பதியுதீன் ஆகியோர் இணைந்து  உத்தியோகபூர்வமாக ஆரம்பித்து வைத்தனர்.

நிகழ்விற்கு நானாட்டான் மற்றும் முருங்கன் பங்குத்தந்தையர்கள், வீதி அபிவிருத்தி திணைக்களத்தின் மாகாணப் பணிப்பாளர் டி.சிவராஜலிங்கம், வீதி அபிவிருத்தித் திணைக்கள மன்னார் வவுனியா மாவட்ட பிரதம பொறியியலாளர் ரகுநாதன், நானாட்டான் பிரதேச சபை செயலாளர், மன்னார் மாவட்ட நிறைவேற்றுப் பொறியியலாளர் எம்.துசியந், மற்றும் அக்கிராமத்து அமைப்புக்களின் பிரதிநிதிகள் ஆகியோர் கலந்துகொண்டமை குறிப்பிடத்தக்கது.