வெளிப்படையாக தெரியும் கண்ணாடி கழிவறையை நிர்மாணித்த சீனா.....

சுற்றுலாப் பயணிகளை கவர கண்ணாடி பாலத்தை நிர்மாணித்த சீனா, சுற்றுலாப் பயணிகளை மேலும் கவர்ந்திழுக்க, வெளிப்படையாக தெரியும் கண்ணாடி சுவர்களை கொண்ட கழிவறைகளை நிர்மாணித்துள்ளது.

சீனாவின் தென் பகுதி மாகாணமான ஹூனான் மாகாணத்தில் ஷியான் என்ற குளத்திற்கு அருகில் உள்ள மரம் ஒன்றில் இந்த கழிவறை நிர்மாணிக்கப்பட்டுள்ளது.

இந்த கண்ணாடி கழிவறையில் இருந்தபடி காட்டின் இயற்கையை ரசிக்க முடியும் என்பதுடன் வேறு ஒருவர் கழிவறையை பயன்படுத்துவதையும் காணமுடியும்.

கண்ணாடி பெட்டிகள் போல் நிர்மாணிக்கப்பட்டுள்ள இந்த கழிவறைகள் ஆண்கள் மற்றும் பெண்களுக்கு என தனித்தனியாக அமைக்கப்பட்டுள்ளன.

அடுத்த கழிவறையில் இருக்கும் நபர் மங்கலாக தெரியும் வகையிலேயே இந்த கண்ணாடி கழிவறை அமைக்கப்படடுள்ளது.

கழிவறை திறந்து வைக்கப்பட்ட நாளில் ஒரு சிலரே அதனை பயன்படுத்தியுள்ளனர். சீனாவில் கண்ணாடிகளை பயன்படுத்தி நிர்மாணிப்புகளை மேற்கொள்வது பிரபலமாக இருந்து வருகிறது.

இந்த பிரபலம் காரணமாகவே சில இடங்களை மூட வேண்டிய நிலைமையும் ஏற்பட்டதாக கூறப்படுகிறது.

எது எப்படி இருந்த போதிலும் சீனா முதல் முறையாக இந்த கண்ணாடி கழிவறையை நிர்மாணித்துள்ளது என்பது குறிப்பிடத்தக்கது.