உலகமெங்கும் பிரமாண்டமாக வெளியான டோனி படம்: ரசிகர்கள் கொண்டாட்டம்......

இந்திய கிரிக்கெட் வீரர் டோனியின் வாழ்க்கை வரலாற்று படம் இன்று உலகமெங்கும் பிரமாண்டமாக வெளியாகியுள்ளது.

இந்திய கிரிக்கெட் அணியின் சாதனை தலைவரான டோனியின் வாழ்க்கை படமான "எம்.எஸ். டோனி: தி அண்டோல்ட் ஸ்டோரி" என்ற படம் 60 நாடுகளில் 4 ஆயிரத்து 500 திரையரங்குகளில் வெளியாகியுள்ளது.

ஆனால் டோனி படத்தை திரையிட பாகிஸ்தானில் தடை விதிக்கப்பட்டுள்ளது. யூரி தாக்குதலுக்கு பதிலடி கொடுக்கும் வகையில் இந்தியா 7 தீவிரவாத முகாம்களை அழித்தது.

இதற்காகவே டோனி படம் பாகிஸ்தானில் தடைவிதிக்கப்பட்டதாக கூறப்பட்டு வந்த நிலையில், சென்சார் போர்டு சான்றிதழ் அளிக்கவில்லை என்று புதுக் கதை கூறியுள்ளது பாகிஸ்தான்.

எனினும் வெளியாகியுள்ள மற்ற நாடுகளில் டோனியின் வாழ்க்கைப் படம் ரசிகர்களின் மாபெரும் வரவேற்பை பெற்றுள்ளது.