இந்தியாவுக்கு எதிரான டெஸ்ட்: 187 ஓட்டங்களில் சுருண்டது இலங்கை: 7 பேர் ஒற்றை இலக்கில் வெளியேற்றம்....

இலங்கைக்கு சுற்றுப் பயணம் மேற்கொண்டிருக்கும் இந்திய அணியுடன் இரண்டு நாட்கள் கொண்ட பயிற்சிப் போட்டியில் திரிமான்ன தலைமையிலான இலங்கை கிரிக்கெட் வாரியத் தலைவர் பதினொருவர் அணி மோதியது.

கொழும்பு மைதானத்தில் தொடங்கிய போட்டியில் முதலில் களமிறங்கி விளையாடிய இலங்கை பதினொருவர் அணி முதல் இன்னிங்ஸில் 187 ஓட்டங்களில் சுருண்டது.

இலங்கை அணியில் அதிகபட்சமாக குணத்திலக்க 74 ஓட்டங்கள், திரிமான்ன 59 ஓட்டங்கள், வீரக்கொடி 10 ஓட்டங்கள் எடுத்தனர். இவர்களை தவிர மற்ற வீரர்கள் அனைவரும் ஒற்றை இலக்க ஓட்டங்களில் வெளியேறினர்.

இந்திய தரப்பில் குல்தீப் யாதவ் 4 விக்கெட்டுகளையும், ஜடேஜா 3 விக்கெட்டுகளையும் கைப்பற்றினர்.

இதனையடுத்து, முதல் இன்னிங்சில் விளையாடிய இந்திய அணி முதல் நாள் முடிவில் 3 விக்கெட் இழப்பிற்கு 135 ஓட்டங்கள் எடுத்துள்ளது.

கோஹ்லி 34 ஓட்டங்களுடனும், ரஹானே 30 ஓட்டங்களுடனும் களத்தில் உள்ளனர். இலங்கை வீரர் பெர்னாண்டோ இரண்டு விக்கெட்டுகளை கைப்பற்றியுள்ளார்.