ஆந்திர முதலமைச்சராகும் நடிகர் மம்மூட்டி!

நடிகர் மம்மூட்டி தென்னிந்திய சினிமாவில் பல வருடங்களாக முன்னணியில் இருக்கும் ஹீரோக்களில் ஒருவர்.

இவர் ஆந்திர முன்னாள் முதல்வர் Y.S.ராஜசேகர ரெட்டியின் வாழ்க்கை வரலாற்று படத்தில் நடிக்கவுள்ளதாக தற்போது அதிகாரப்பூர்வ தகவல் வெளியாகியுள்ளது.

'யாத்ரா' என பெயரிடப்பட்டுள்ள இந்த படத்தை மஹி.V.ராகவ் இயக்கவுள்ளார். விரைவில் படப்பிடிப்பு துவங்கும் என எதிர்பார்க்கப்படுகிறது.

மம்மூட்டி தன் சொந்த குரலிலேயே டப்பிங் பேசவுள்ளார் என இயக்குனர் தற்போது தெரிவித்துள்ளார். “அவரிடம் நான் கதை சொல்ல சென்றபோது தெலுங்கிலேயே கதையை சொல்ல சொன்னார். எனக்கு புரியவில்லையென்றால் நிறுத்திவிட்டு மீண்டும் கேட்கிறேன் என கூறினார். அது எனக்கு சர்ப்ரைசாக இருந்தது” என இயக்குனர் பேட்டியளித்துள்ளார்.