பாகிஸ்தான் ரசிகருக்கு அதிர்ச்சி கொடுத்த இலங்கை ஜம்பவான் சங்கக்கார -

இலங்கை அணியின் முன்னாள் தலைவரும், அதிரடி வீரருமாக திகழ்ந்த ஜம்பவான் குமார் சங்கக்கார, பாகிஸ்தான் ரசிகருக்கு இன்ப அதிர்ச்சி கொடுத்துள்ளார்.

பாகிஸ்தானின் புரிவாள நகரத்தைச் சேர்ந்த நோமன் சர்வார் என்ற இளைஞர், ட்விட்டர் பக்கத்தில், சங்கக்காராவை குறிப்பிட்டு இன்று என் பிறந்தநாள். நீங்கள் எனக்கு வாழ்த்துக்கள் கூற முடியுமா? ப்ளீஸ் என பதிவிட்டுள்ளார்.

நோமன் சர்வார் ட்விட்டரில் பதிவிட்ட ஒரு மணிநேரத்திற்குள் இலங்கை ஜம்பவான் குமார் சங்கக்கார, நோமன் சர்வார் பதிவின் கீழ் பிறந்தநாள் வாழ்த்துக்கள் என பதிலளித்து அவருக்கு இன்ப அதிர்ச்சி கொடுத்துள்ளார்.

41 வயதான சங்கக்காராவின் இச்செயலை அனைவரும் பாராட்டி வருகின்றனர். இலங்கை நட்சத்திர வீரர் குமார் சங்கக்கார 2015 ஆம் ஆண்டு யூன் 15ம் திகதி சர்வதேச கிரிக்கெட்டிலிருந்து ஓய்வு பெற்றார் என்பது குறிப்பிடத்தக்கது.