வடமாகாண போட்டிகளுக்கான தரவரிசை பட்டியல்

வடமாகாணக் கல்வித் திணைக்களத்தின் ஏற்பாட்டில் வடமாகாணப் பாடசாலைகளின் பெரு விளையாட்டு அணிகளுக்கிடையிலான விளையாட்டுப்போட்டி முடிவுகள் தரவரிசைப் படுத்தப்பட்டுள்ளன.


 நான்கு கட்டங்களாக நடைபெறுகின்ற மேற்படி பெரு விளையாட்டுப்போட்டிகளில் தற்போது மூன்றாம் கட்டப் போட்டிகள் வவுனியா மாவட்டத்தில் இடம்பெற்று வருகின்றன. வடமாகாணத்தைச் சேர்ந்த 12 வலயங்களும் ஒவ்வொரு போட்டி முடிவிலும் பெற்ற புள்ளிகள் அடிப்படையில் தரவரிசைப்படுத்தப்பட்டு வந்தன.

 இந்தத் தரவரிசையில் இதுவரையிலும் எதுவித புள்ளிகளையும் பெறாத வலயமாக மடு வலயம் கடைசி இடத்தில் இருந்தது. எனினும் இந்தக் குறையை நேற்று செவ்வாய்க்கிழமை வவுனியா நகர சபை மைதானத்தில் நடைபெற்ற கபடிப்போட்டியில் மடு கருங்கண்டல் றோமன் கத்தோலிக்க தமிழ் கலவன் பாடசாலை அணி நிவர்த்தி செய்தது.

 இப்பாடசாலையில் 15 வயதுப்பிரிவு பெண்கள் அணி கபடிப்போட்டியில் 3ஆம் இடத்தினைப் பெற்று, தமது வலயத்திற்கு 5 புள்ளிகளைப் பெற்றுக்கொடுத்து பெருமை சேர்த்துள்ளது.

 இந்தத் தரவரிசையில் தொடர்ந்தும் யாழ்ப்பாண வலயம் 438 புள்ளிகளுடன் முதலிடத்தில் இருந்து வருகின்றது. 25.06.2013 வரை முடிவுற்ற புள்ளிகள் அடிப்படையில் வலயங்களின் தரவரிசை வருமாறு,