2018 ஆம் ஆண்டின் சிறந்த உடையணிந்த பெண்கள்: முதலிடம் மெர்க்கல்!

2018ம் ஆண்டின் சிறந்த உடையணிந்த பெண்களுக்கான பட்டியலில் பிரித்தானிய இளவரசி மெர்க்கல் முதலிடம் பிடித்து அசத்தியுள்ளார்.
பிரித்தானியாவின் பிரபலமான Vogue இதழானது இந்த ஆண்டிற்கான சிறந்த உடையணிந்த பெண்களின் பட்டியலை வெளியிட்டுள்ளது.
அதில், பிரித்தானிய இளவரசி மெர்க்கல் முதலிடம் பிடித்துள்ளார். 37 வயதான இளவரசி மெர்க்கல் தற்போது ஹரியின் குழந்தையை தன்னுடைய வயிற்றில் சுமந்துகொண்டிருக்கிறார்.

சமீபத்தில் கூகுள் நிறுவனம் வெளியிட்ட, அதிகம் தேடப்பட்ட நபர்களுக்கான பட்டியலில் இளவரசி மெர்க்கல் தான் முதலிடம் பிடித்திருந்தார்.
அதனை தொடர்ந்து தற்போது வெளியிடப்பட்ட சிறந்த உடையணிந்த பெண்கள் பட்டியலில் முதலிடம் பிடித்திருப்பது அனைவருக்கும் ஆச்சர்யத்தை ஏற்படுத்தியுள்ளது.

இந்த பட்டியலில் மெர்க்கலை தொடர்ந்து பிரபல பாடகியான லேடி காகா இரண்டாமிடமும், நடிகையான ட்ரேசி எல்லிஸ் ரோஸ் மூன்றாமிடமும் பிடித்துள்ளார்.
மேலும், அமெரிக்க நடிகைகள் ட்ரேசி எல்லிஸ் ரோஸ் (46) மற்றும் ஜொவ் க்ராவிட்ஸ் (30) ஆகியோரும் பட்டியலில் இடம்பிடித்துள்ளனர்.