சீரற்ற காலநிலை: 160 இற்கு மேற்பட்ட கறவை பசுக்கள் உயிரிழப்பு

கிளிநொச்சியில் கடந்த சில நாட்களாக நிலவி வரும் கடும் குளிரான காலநிலையால் 165 கறவை பசுக்கள் உயிரிழந்துள்ளதாக பிரதேச மக்கள் தெரிவிக்கின்றனர். சீரற்ற காலநிலையினால் ஏற்பட்ட குளிரை தாங்க முடியாத கன்றுகள் மற்றும் பசுக்கள் கொட்டகைக்குள் வைக்கப்பட்டிருந்த போது உயிரிழந்துள்ளதாக பிரதேசவாசிகள் தெரிவிக்கின்றனர். கிளிநொச்சி அனர்த்த முகாமைத்துவ நிலையம் கடந்த சில நாட்களாக 17 பாகை குறைந்த வெப்பநிலை பதிவாகியுள்ளதாக தெரிவித்துள்ளது. சீரற்ற காலநிலையால் உயிரிழக்கும் விலங்குகளின் எண்ணிக்கை அதிகமாக இருக்கலாம் என மத்திய நிலையம் மேலும் தெரிவித்துள்ளது.