நாட்டில் சூழ்ச்சிகளை ஏற்படுத்தி அதிகாரத்தை கைப்பற்ற அனுமதிக்க மாட்டோம் – ஜனநாயக ரீதியாக செயல்பட தடையில்லை

 வாகன இறக்குமதிக்கு எந்த கட்டுப்பாடுகளும் விதிக்கப்படாது என ஜனாதிபதி அநுர குமார திசாநாயக்க தெரிவித்தார்.

பாராளுமன்றத்தில் இன்று விசேட உரையொன்றை நிகழ்த்திய போதே ஜனாதிபதி இவ்வாறு கூறினார்.

அவர் மேலும் தெரிவித்ததாவது,

வாகன இறக்குமதிக்கு கட்டுப்பாடுகள் விதிக்கப்பட போவதாக கருத்துகளை வெளியிட்டு வருகின்றனர். சமூகத்தில் குழப்பநிலையை தோற்றுவிக்கும் நோக்கில் இவ்வாறான கருத்துகளை வெளியிடுகின்றனர்.

அதனால் அடுத்த வருடம் வாகனங்களை இறக்குமதி செய்ய எதிர்பார்ப்பவர்கள்கூட இந்த ஆண்டே இறக்குமதி செய்ய பார்க்கின்றனர். இதனால் நாட்டின் டொலர் கையிருப்புக்கு தாக்கத்தை ஏற்படுத்த முடியும் என எதிர்க்கட்சிகள் எதிர்பார்க்கின்றன.

வாகன இறக்குமதிக்கு எவ்வித கட்டுப்பாடுகளும் விதிக்கப்படாது என்பதை உறுதியாக கூறுகிறோம். எவரும் அவசரப்படத் தேவையில்லை.

பொய்யான தகவல்களை நம்பி எவரும் வாகனங்களை கொள்வனவு செய்ய முற்பட வேண்டாம்.

நாட்டில் அந்நிய முதலீடுகள் அதிகரித்துள்ளன. ஏற்றுமதிகள் அதிகரித்துள்ளன. தொழில் வாய்ப்புகளும் பெருகி வருகின்றன. அத்துடன், அரச நிறுவனங்களை இலாபமீட்டும் நிறுவனங்களாக மாற்ற முற்பட்டுள்ளோம் என்பதால் நிதி கையிருப்புக்கு பாதிப்புகள் ஏற்படாது. பொருளாதார ஸ்திரமான நிலையை நோக்கி நகர்ந்து வருகிறது. இதனால்தான் நாட்டில் குழப்ப நிலையை தோற்றுவிக்கும் கருத்துகளை வெளியிட்டு வருகின்றனர்.

நாட்டில் சூழ்ச்சிகளை ஏற்படுத்தி அதிகாரத்தை கைப்பற்ற எவரும் முற்பட வேண்டாம். சூழ்ச்சிகளை ஏற்படுத்த முற்படுவர்கள் தொடர்பில் அரசாங்கம் அவதானமாக உள்ளது. எமது புலனாய்வு துறையினர் இவர்களது கருத்தை கண்காணிக்கின்றனர். ஆனால், எவருக்கும் ஜனநாயக ரீதியாக அரசியல் செயல்பாடுகளை முன்னெடுக்க நாம் தடையாக இருக்க மாட்டோம்.

பொது மக்களை சந்திக்க முடியும். கூட்டங்களை நடத்த முடியும். அதற்கு எவ்வித தடைகளும் இல்லை. ஆனால், சூழ்ச்சிகளுக்கு இடமளிக்க மாட்டோம்.

இந்தியாவிற்கும் பாகிஸ்தானுக்கும் இடையிலான போருக்குப் பிறகு, தொடர்ந்து ஊடகவியலாளர் சந்திப்புகளை நடத்திய பாராளுமன்ற உறுப்பினர்கள் சிலர் கொழும்பில் குண்டுகள் வீசப்படும் என்று எதிர்பார்த்தனர்.

அப்போது எங்கள் இராணுவ தளபதி பாகிஸ்தானில் இருந்தார். ஆனால் இங்கு எதிர்க்கட்சியினர் கொழும்பில் குண்டுகள் வீசப்படும் என்று எதிர்பார்த்தனர். அது ஒரு ஆசை. பின்னர், இஸ்ரேலுக்கும் ஈரானுக்கும் இடையே ஒரு சர்வதேசப் போர் வெடித்த பிறகு, இப்போது நாடு சரிந்துவிடும் என்று எதிர்பார்த்தனர். அது நடக்கவில்லை. அடுத்த மிகப்பெரிய எதிர்பார்ப்பு அமெரிக்க வரிக் கொள்கையால் நமது பொருளாதாரம் சரிந்துவிடும் என்பதுதான்.

எனவே, நமது பொருளாதாரம் பேரழிவை சந்திக்கும் என்ற கொடூரமான கனவை காண்கிறீர்கள். அந்த அழிவுகரமான கனவு நனவாகாது. வேறு ஒரு கட்டமைப்பிலிருந்து அரசியல் செய்யத் தொடங்குங்கள். அந்த கட்டமைப்பு தவறு. ஆகஸ்ட் ஜனாதிபதி ஒருவர் இருந்தார், தற்போது அவர் பாராளுமன்றத்திலும் இல்லை.

இலங்கை மீதான அமெரிக்கா விதித்த பரஸ்பர வரியை 20% வீதமாக குறைப்பதற்கான எந்த ஒப்பந்தமும் இறுதி செய்யப்படவில்லை.

அமெரிகா விதித்த வரியை மேலும் குறைப்பது தொடர்பான கலந்துரையாடல்கள் ஏற்கனவே ஆரம்பிக்கப்பட்டுள்ளது.

இதுவரை இடம்பெற்ற கலந்துரையாடல்களில் சில உடன்பாடுகள் எட்டப்பட்டுள்ளன. அதன் விளைவாக வரி 20% வீதமாக குறைக்கப்பட்டுள்ளது.

எங்கள் வர்த்தக இடைவெளியின் அடிப்படையில் எங்களுக்கு 44% வீதம் கிடைக்கிறது. அதுதான் அவர்களின் கொள்கை. அதை 44% வீதத்திலிருந்து 20% வீதமாக குறைப்பது அவர்களுக்கும் எங்களுக்கும் இடையிலான கலந்துரையாடல்கள் மற்றும் ஒப்பந்தத்தின் ஒரு முக்கியமான விளைவு என்று நாங்கள் நினைக்கிறோம்.

அவர்கள் அதைப் பற்றி எந்த முடிவுகளையும் எடுப்பதற்கு முன் சில HS CODE ஐ விடுவிக்க வேண்டும். இந்த வரி விதிப்பினால் பாதிக்கப்பட்ட தொழிலதிபர்கள் மற்றும் தொழில்முனைவோருடன் நாங்கள் கலந்துரையாடினோம்.

ஒரு குறிப்பிட்ட துறையைத் திறப்பது குறித்து நாங்கள் விவாதித்தபோது, சம்பந்தப்பட்ட பங்குதாரர்களை அழைத்து அதன் தாக்கம் குறித்து தொடர்ந்து பேசி எங்கள் குழு இந்த வெற்றியைப் பெற்றது. இல்லையெனில், இது ஒரு அறையில் நடந்த சதித்திட்டம் அல்ல.

எனவே, இதில் பங்கேற்கக்கூடிய ஒவ்வொரு பங்குதாரரையும் ஈடுபடுத்த நாங்கள் பொறுப்புடன் செயல்பட்டோம். எனவே, அமெரிக்க வரிக் கொள்கையின் அடிப்படையில் பொருளாதார சரிவை நீங்கள் எதிர்பார்த்திருந்தால், அது இப்போது முடிந்துவிட்டது.

இன்னும் இறுதி ஒப்பந்தம் இல்லை. எங்களுக்கு 20% வீதம் மட்டுமே இருந்தது. அந்த 20% வீதத்தை விடவும் குறைக்க முடியுமா என்பது தொடர்பில் நாங்கள் இன்னும் முயற்சி செய்து கொண்டிருக்கிறோம். அதற்கான கலந்துரையாடலை தொடங்கியுள்ளோம். இதுவே ஒரு நாடாக நாம் எடுக்க வேண்டிய முடிவு என்றும் ஜனாதிபதி கூறினார்.