12 வருட காலமாக எயிட்ஸ் நோய்க்கான மருந்து எடுக்காத நிலையில் நோய் தணிவடைந்த அதிசயம்...

பிரான்ஸைச் சேர்ந்த 18 வயது யுவ­தி­யொ­ருவருக்கு ஏற்பட்ட எயிட்ஸ் நோய் 12 வருட காலத்­திற்கு மேலாக சிகிச்சை பெறாத நிலையில் அதி­ச­யிக்­கத்­தக்க வகையில் தணி­வ­டைந்­துள்­ள­தாக மருத்­து­வர்கள் தெரி­விக்­கின்­றனர்.

கன­டாவின் வான்­கூவர் நகரில் இடம்­பெற்ற சர்­வ­தேச எயிட்ஸ் சபையின் கூட்­டத்தின் போது மருத்­து­வர்­களால் இது தொடர்­பான தக­வல்கள் முன்­வைக்­கப்­பட்­டுள்­ளன.

மேற்­படி கூட்­ட­மா­னது கடந்த 19 ஆம் திக­தி­யி­லி­ருந்து இன்று புதன்­கி­ழமை வரை இடம்­பெற்று வரு­கின்­றமை குறிப்­பி­டத்­தக்­கது.

இந்­நி­லையில் இந்தக் கூட்­டத்தில் சமர்ப்­பிக்­கப்­பட்ட மேற்­படி அறிக்­கை­யின் பிரகாரம் இது குழந்­தை­யொன்­றுக்கு எச்.ஐ.வி. வைரஸ் தொற்று நீண்ட காலப் பகு­தியில் தணி­வ­டைந்த உலகின் முத­லா­வது சம்­ப­வ­மாக கரு­தப்­ப­டு­கி­றது.

எயிட்ஸ் தொற்­றுக்­குள்­ளான சில­ருக்கு சிகிச்சை நிறுத்­தப்­பட்ட பின்னர் எவ்­வாறு இந்த வைரஸ் கட்­டுப்­பாட்­டுக்குள் கொண்டு வரப்­ப­டு­வது சாத்­தி­ய­மா­னது என்­பது தொடர்பில் மேல­திக ஆய்வு அவ­சி­ய­மா­க­வுள்­ள­தாக மருத்­துவ நிபு­ணர்கள் தெரி­விக்­கின்­றனர்.

1996 ஆம் ஆண்டு பிறந்த குறிப்­பிட்ட பெண்­ணுக்கு, எயிட்ஸ் நோய்க்கு கார­ண­மான எச்.ஐ.வி. வைரஸ் தொற்று அவ­ரது தாயி­ட­மி­ருந்து பிறக்கும் போது ஏற்­பட்­டது.
அவ­ருக்கு பிறந்து 3 மாதம் முதல் எயிட்ஸ் நோய்க்கு எதி­ரான மருந்­துகள் வழங்­கப்­பட்டு வந்­துள்­ளன.

இந்­நி­லையில் அவர் 6 வயதுக் குழந்­தை­யாக வளர்ச்­சி­ய­டைந்த போது அவ­ரது குடும்­பத்­தினர் அவ­ருக்­கான சிகிச்­சையை நிறுத்த தீர்­மா­னித்­தனர்.இத­னை­ய­டுத்து 12 வரு­டங்கள் கழித்து தற்­போது 18 வயது யுவ­தி­யாக மாறி­யுள்ள அவ­ருக்கு குருதிப் பரி­சோ­தனை மேற்­கொள்­ளப்­பட்ட போது, அவ­ரது குரு­தியில் எச்.ஐ.வி. வைர­ஸு­களின் அளவு மிகவும் குறைந்திருப்பது அவதானிக்கப்பட்டது.

அந்த யுவதி எதுவித நோய் பாதிப்பு அறிகுறிகளுமின்றி இயல்பு வாழ்க்கை வாழ்ந்து வருவதாக மருத்துவர்கள் தெரிவிக்கின்றனர்