5000 ஊழியர்கள் பணிநீக்கம் -பிரபல ஐரோப்பிய விமான நிறுவனத்திலிருந்து

ஐரோப்பிய நாடுகளான ஸ்வீடன், நோர்வே மற்றும் டென்மார்க்கில் இயங்கி வரும் ஸ்காண்டிநேவியன் ஏர்லைன்ஸ், கொரோனா வைரஸால் விமான பயணத்திற்கான தேவையை குறைந்ததால் 5,000 ஊழியர்களை பணிநீக்கம் செய்வதாக அறிவித்துள்ளது.

கொரோனா விளைவாக, 2020 இன் எஞ்சிய காலத்தில் தேவை கணிசமாக பாதிக்கப்படும் என்று எதிர்பார்க்கப்படுகிறது, மேலும் கொரோனா பரவுவதற்கு முன்னர் ஏற்பட்ட சூழ்நிலைகளுக்கு திரும்புவதற்கு சில ஆண்டுகள் ஆகும் என்று விமான நிறுவனம் அறிக்கையில் தெரிவித்துள்ளது.
இதன் விளைவாக, எஸ்ஏஎஸ் வணிகத்தை குறைந்த தேவைக்கு ஏற்றவாறு மாற்றியமைக்க வேண்டும். அதன் காரணமாக 5,000 முழுநேர பணியாளர்களைக் குறைக்கும் செயல்முறைகளைத் தொடங்கும் என அறிவித்துள்ளது.

நோர்வே மற்றும் சுவீடனில் குறிப்பிட்ட பகுதிகளுக்கு உள்நாட்டு சேவையை இயக்கி வருவதாகவும், அதன் முக்கியமான கோடை காலத்தில் வணிகம் மிகவும் குறைவாக இருக்கும் என்று எதிர்பார்ப்பதாக எஸ்ஏஎஸ் என்றும் தெரிவித்துள்ளது.
ஸ்வீடனில் சுமார் 1,900, நோர்வேயில் 1,300 மற்றும் டென்மார்க்கில் 1,700 என ஊழியர்களின் பணிநீக்கம் பிரிக்கப்படும் என்று விமான நிறுவனம் தெரிவித்துள்ளது.