நாள் ஒன்றிற்கு 735 பேர்! கொரோனா வைரஸால் சீனாவில் எரிக்கப்படும் சடலங்கள்...

சீனாவில் வுஹானில் மட்டும் நாள் ஒன்றிற்கு 735 சடலங்கள் எரிக்கப்படுவதாகவும், அவரை 7 இடங்களில் நடப்பதாக தகவல் வெளியாகியுள்ளது.

கொரோனா என்னும் கொடிய வைரஸ் சீனா மக்களை பீதியில் ஆழ்த்தி வருகிறது. தற்போது வரை இந்த வைரஸ் காரணமாக சீனாவில் மட்டும் 2000-க்கும் மேற்பட்டோர் பலியாகியிருப்பதாகவும், 70,000-க்கும் மேற்பட்டோர் பாதிக்கப்பட்டிருப்பதாகவும் தெரிவிக்கப்பட்டுள்ளது.
இந்நிலையில் வைரஸ் அதிகமாக பரவி வரும் வுஹான் மாகாணத்தில் இறந்தவர்களின் உடல் உடனடியாக எரிக்கப்படுவதாக தகவல் வெளியாகியுள்ளது.

நாள் ஒன்றிற்கு வுஹான் மாகாணத்தில் 735 சடலங்கள் எரிக்கப்படுவதாகவும், இதில் அங்கிருக்கும் 7 சுடுகாடுகளில் 135 சடலங்கள் வீதம் எரிக்கப்பட்டு வருவதாகவும் இதில் 105 பேர் கொரோனா வைரஸால் இறந்தவர்கள் என்றும், மீதமுள்ளவர்கள் இயற்கையாக இறப்பவர்கள் என்றும் அங்கிருக்கும் உள்ளூர் ஊடகங்கள் தெரிவிக்கின்றன.